恒生銀行（011）公關一哥兼銀行界長跑達人，人稱「水哥」的張樹槐（Walter），為咗做善事同圓夢，月初去咗北非撒哈拉，甘願喺51℃高溫下，做一條咸魚，七日冇沖涼，完成100公里毅行，為國際非政府組織WaterAid，籌咗超過20萬元善款。
最難忘係冇涼沖
七日「行」程，水哥最難忘係冇涼沖，「第四晚瞓瞓吓，身痕痕醒」，不過壯闊浩翰嘅撒哈拉，仰觀繁星，令佢頓感個人渺小，造物偉大。
大家咪以為喺沙漠就上唔到網，水哥話，佢喺好奇之下，居然畀佢搵到接通網絡嘅據點，用手機登入咗恒生e-Banking，仲成功買到恒指同H股指數基金㖭。
行完沙漠，佢計劃年底與友人組隊，遠征阿根廷海拔6,962米嘅南美第一高𥧌阿空加瓜山（Aconcagua），打算先向攀過此𥧌嘅世界級攀山專家曾志成取經。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange