蔡卓妍（阿Sa）、李治廷及梁漢文等，前晚到中環出席時裝店KENZO開張活動，有傳范冰冰收到神秘男送鑽戒，跟女方傳緋聞的李治廷聞言回應：「唔係我喎，我會送歌。」如此慳皮？李治廷即撐：「心靈比物資更重要，唔會呃人。」會否問范冰冰誰人送鑽戒？他指不會如此八卦，可能遇勁敵拗手瓜，李治廷即笑言：「我係李小龍喎，愛情唔係鬥，係講心唔係講輸贏。」阿Sa透露因愛犬生病留醫，一度想往探望缺席活動，更跟媽咪鬧交：「我叫媽咪去探狗，但佢唔得閒去。」若有BB豈非更緊張？阿Sa坦言有想過生BB：「不過未有打算，40歲都可以生，我仲有10年。」
採訪：魯萍 攝影：陳志嵐
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！