金管局總裁陳德霖上周帶隊訪京後，帶來中央積極考慮放寬人民幣每人每日2萬兌換上限嘅好消息，難怪佢噚日出席香港精神大使活動時，心情大好，收起一貫嚴肅表情，跟現場嘉賓有講有笑，可惜活動一結束，佢就話「開會、開會、拜拜」，快閃了。
陳總噚日真係純粹撐場，事關佢係智經研究中心創會主席，智經係呢個活動嘅策略合作夥伴。見佢一到場就同星島（1105）董事盧永雄等嘉賓寒暄，之後坐足成粒鐘，等活動完結先鬆人，不過期間就唔多專心，好似不停用手機收發訊息、電郵。
其實陳總唔使閃得咁快吖，唔通佢擔心記者唔放過佢，問佢點睇政府唔發電視牌畀王維基單嘢，而佢又未諗掂點回應？
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24