朱古力、雪糕、薯片、餅乾......零食簡直是減肥女士的魔鬼，究竟如何才能抗拒誘惑？英國有調查發現，女人瘦身有很多蠱惑招，最多人買細碼衣服激勵自己；或把名人相片或自己的「肉照」貼在雪櫃警惕自己，港女又有甚麼方法？
記者：鄒倩婷 攝影：李漢基
動記者在旺角做街訪，七成受訪女士都表示曾經減肥，「一肚餓食生果，食少啲飯，戒澱粉質係有用」、「飲多啲水，食生果」、「食多啲菜」。
調查又指，有女士為了瘦，竟然逼家人與自己一起戒零食。自爆小時候是癡肥兒童的龍小菌，也曾有減肥血淚史，她表示反而很喜歡看別人吃東西，即使自己不能吃，都希望別人吃到好吃的，又說曾以韓星為目標，「將一啲身材好好嘅女仔，貼落一本簿度，通常都係一啲韓國女明星。」
藝人梁烈唯近日都為拍新劇狂操肌肉，在微博貼了爆肌相，大晒人魚線！他表示為減磅會經常回家食飯，以控制份量，「我好鍾意食飯，最辛苦係唔可以食飯，但係我會揀食多啲瓜菜同豆腐，呢啲都飽肚。」
不過最重要的，當然是健康地減肥，尚營坊高級營養師黃凱詩表示，不建議一刀切的戒口方法，「要睇吓有冇一啲代替品，譬如以前好鍾意食雪糕作為零食，咁可以揀相對低脂嘅果芭或乳酪。」她又指，如果減肥有人支持，例如與情人一起減，成功率便會更高。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange