港媽要為幼稚園續學位上街，證明吳克儉真係好唔掂！工業界立法會議員林大輝噚日喺立法會就北區幼稚園大批家長通宵輪候學額嘅亂象提出口頭質詢，猛用「三個字」批評吳得掂，包括「後知後覺」、「如夢初醒」，批評佢事後補鑊推出六招都冇實效，恐怕明年「龍B」入學高𥧌期情況更壞。
吳得掂遊花園懶理
林大輝要求吳得掂「斬釘截鐵、實牙實齒、直接了當」咁百分百承諾，幼稚園學童原區有書讀，仲要做到「來者不拒」先可以令家長放心。
吳得掂回應時，當然唔肯承諾啦，仲不斷兜圈話未來情況難以預測，搞到立法會主席曾鈺成都出口幫拖，提示吳得掂未能「斬釘截鐵、實牙實齒、直接了當」回應問題，大輝當場喝采高舉拇指大讚「主席英明」！受夾擊嘅吳得掂懶理批評，繼續話要了解實際情況先喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange