有E Cup Baby之稱的𡃁模劉欣宜，06年開始性感殺入動漫節，08年跟動漫Maggie李曼筠成為Sony高清寶寶，劉欣宜憑34E導彈上圍彈出，隨着E奶𡃁模泛濫，E Cup Baby近年都封胸兼淡出幕前，加上她戀上音樂人男友、組合窮飛龍的主音陳子敏，兩人低調拍拖3年，前日是E Cup Baby的25歲牛一，抱恙的陳子敏包場在戲院睇戲後，還向女友求婚，他名副其實愛到發燒，E Cup Baby即哭着應承，雙喜臨門。
謝安琪拍片祝賀
E Cup Baby打算明年搶閘做馬年新娘，她昨日在微博貼男友求婚相和留言公佈喜訊，即將榮升陳師奶的E Cup Baby昨日在電話訪問中難掩興奮說：「噚晚真係好驚喜，其實日前家人同男友喺麥當勞同我搞咗生日會，冇諗過噚晚佢包場同我求婚，最初現場真係有人玩求婚，我當睇戲，點知男友突然話肚痛出咗去，返嚟就拎住花同戒指求婚，好感動。」現場更播出兩人的好友謝安琪、張繼聰和黃又南等預先拍攝的祝福片段，令準新娘流下熱淚。
E Cup Baby大讚未婚夫有90分，她說：「佢好錫我，明年2月我哋去台灣影婚紗相，婚後想生一仔一女。」她還笑言很想把E奶巨咪遺傳給囡囡。
採訪：比華利
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！