到底係皇家馬德里隊長特別浪漫，抑或西班牙人都不負拉丁最佳情人之名？繼2010年西班牙勇奪世界盃冠軍，隊長卡斯拿斯在鏡頭前擁吻記者女友成經典一幕後，另一位皇馬隊長沙治奧拉莫斯亦「情聖」上身，上電視唱歌𠱁女友比娜開心。
38歲嘅比娜係西班牙著名嘅電視主持兼演員，比這名皇馬後衞大11年，同巴塞隆拿球星碧基與女友Shakira一樣，又一球壇乘演藝界姊弟戀力作。日前拉莫斯手抱結他突然現身電視節目，仲自彈自唱向女友示愛，比娜親身演繹了何謂「幸福到喊」，仲喺twitter留言感謝男友嘅驚喜。
古代談情會送你一首詩，時下𠱁女仔就中意送名牌，但唔係個個都似港女動輒都要收Chanel、卡地亞嘅，雖然唱情歌係肉麻同浮誇咗啲啲，又雖然，唱俾你聽嗰位又未必有球星嘅外形，但相信冇咩女仔抵抗得住驚喜加誠意嘅化學作用。
文：呂晨
以女性角度看球星新聞，唔用眉筆用原子筆寫低球壇百態！
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24