被有婦之夫包養？靚靚﹝袁詠儀﹞話係愛情呀。前晚集《最佳女主角》，靚靚講返之前嘅包養疑雲，佢話啱啱一齊嗰陣，唔知對方有太太，佢話：「當時我都係過後先知，但我唔覺得係識前識後o既責任，佢就係有太太。」話同對方一齊要保密，亦冇諗過要佢離婚：「嗰一刻其實真係覺得，最緊要嗰一刻開心，唔好去計較太多嘢啦。」
對於被指包養，佢話：「我真係覺得係男女拍拖，我唔知道人哋拍拖係點，我只知道我生日，佢會送好多花俾我。我唔知道包養，有冇得送花，因為我冇諗過呢個詞。」靚靚仲讚對方好浪漫，成日都會有驚喜：「佢會設計送花，幾多歲就送幾多種花，呢啲好浪漫嘅事。同埋，你去旅行，佢會話幫你安排車，呢啲都係男朋友幫你做o架，係咪先？佢知道你拍緊戲，突然飛過來，同你食餐飯，呢啲好浪漫。所以我冇諗過呢個字，既然世間要用呢個字代入去，我都冇辦法，我只可以話佢哋不懂愛情。」
之後靚靚仲講咗佢同Chilam嘅生活點滴，原來佢地嘅愛情都有風浪o架。話說靚靚生完魔童，患咗抑鬱，佢話：「我諗返，其實當時我都好乞人憎。例如，我貼咗個牌在門口，請入嚟嘅人先洗手，同唔好掂我個囝，離遠睇得o架喇！入到屋嘅人，我個囝就係個兜度，你淨係可以企係度望，唔可以抱。包括我阿媽。」仲話當時多得Chilam包容呀。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24