剛換咗高尼路教嘅東方沙龍，前晚作客2:1險勝元朗重開勝門後，除高尼路笑晒外，副總監歐偉倫亦放下心頭大石，贏波後全隊仲喺元朗食盆菜㖭，球隊噚日喺fb貼咗張球員笑住食盆菜嘅相（圖）；不過，升咗做副總監嘅李健和咁啱撞正自己生日，賽後就返咗屋企同家人食飯慶祝，所以冇出席。
另外，公民上周六作客大炒屯門開齋，據聞佢哋賽前低調拉隊去沙田拜車公，球隊果然可以贏波，睇嚟仲未贏過嘅橫濱FC、晨曦同愉園，都要諗吓啲轉運方法嘞。
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24