政府隻手遮天
陳小姐（公 關）：「今次事件並非單純係政府會否發牌嘅問題。喺審批程序中，公眾只見政府隻手遮天，完全漠視市民嘅意見，唔理會市民對有質素電視台嘅渴求。
喺工作當中，我會接觸到電影同電視行業嘅事，感覺自己有責任為香港電視討回公義。我同10個朋友，經已連續兩日出席集會，只要政府一日唔交代拒發牌嘅真相，我都會繼續支持集會，向政府施壓。」
仍欠一個交代
柯同學（中五生）：「政府黑箱作業無視民意嘅處事態度令人討厭。喺發牌事件中，始終係欠咗香港人，欠咗香港電視網絡一個交代，好似根本唔需要講點解，任何政策都係佢哋地講晒。
喺上年嘅反國教事件上，我都親歷其中，我哋知道，只要集合群眾嘅力量就有改變嘅機會。雖然我功課繁忙，但放學之後，喺廣場上一邊做功課、一邊聲援，要話畀政府知我哋唔係沉默嘅大多數！」
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24