周麗淇（Niki）、女模Mandy Lieu與冼色麗等，昨日在太古城出席Levi's Revel女生專屬Pop-up Store開幕禮，Niki與Mandy分別示範塑身牛仔褲，Mandy夾胸露出三吋事業線，大戰體形纖瘦露腰的Niki，Mandy又不時俯身玩遊戲，成為全場焦點。
操弗拍戲
近月忙於在台灣拍攝電影《痞子英雄2》的Mandy，戲裏飾演打女要操弗身形，昨日指她性感時，她笑說：「最近成日要打，所以操到好弗，總之sexy唔cheap就得。最近開拍《痞子英雄2》，成日都要着短皮褲，上身要好弗先得，如果唔弗就好易有bye bye肉就唔靚。今次拍戲好多人受傷，好彩自己冇事。」
Niki雖然穿上超貼身牛仔褲露出22吋小蠻腰，但被指不及Mandy搶鏡，Niki笑說：「呢啲鏡唔怕俾人搶，我都有骨感美㗎。」真空上陣？她說：「唔係，我有打底。最近好多人都話我瘦咗，其實我係調理緊身體，食清啲又有做運動，𠵱家可能22或23吋腰。」
「仔一定生」
問Niki調理身體準備生BB？她笑說：「調理唔一定為生仔，之前拍劇唔夠瞓，血氣唔好，所以去睇中醫，仔就一定會生，不過𠵱家唔會為生仔調理，健康最緊要。」
採訪：胡苑君
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！