之前有調查指英國少女夢寐以求嘅「事業」之一係成為WAGs（即係運動員嘅另一半），咁又難怪，因為好似朗尼老婆高蓮及謝四老婆居倫咁，唔洗點做又可以周身名牌兼四處去度假；而且英超球星嘅品味又似乎麻麻，無論你個樣幾膠，只要有長髮、巨咪加濃妝，佢哋通常都落搭。不過人做WAGs，你做WAGs，就千祈唔好做到好似莉絲根迪（Lizzie Cundy、上圖）咁！
莉絲係90年代初熱刺後衞根迪（Jason Cundy）嘅前妻，可以話係英超元祖WAGs之一。佢話為咗做好WAGs呢份工，日日掛住扮靚同照顧兩個仔。點知個衰佬喺2010年拋妻棄子，莉絲之後開拓自己嘅事業，成為電視節目主持之餘，今年仲以45歲之齡，首次成為舞台劇女主角。
點知因莉絲事業比前夫成功，𠵱家要反過嚟俾根迪贍養費，難怪佢話：「真係揀錯咗足球員嚟嫁！」文：吾中
以女性角度看球星新聞，唔用眉筆用原子筆寫低球壇百態！
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24