（哀）周日意甲7場波全部開「大」，夾埋出現咗29球入波，當中仲有唔少峯迴路轉嘅戰情，梗係要先數祖雲達斯作客費倫天拿，半場領先兩球，最後輸2:4呢場喇。祖記喺上半場由泰維斯（上圖）同保羅普巴各入一球，好衰唔衰，佢兩個入完波後做機關槍掃射動作慶祝，同昔日效力過費倫嘅阿根廷名宿巴迪斯圖達嘅招牌動作一樣。唔知係咪因為咁，就刺激到費倫班球員，下半場基奧斯比羅斯（左圖中）喺15分鐘內連中三元，加埋祖亞昆入番粒，4:2反勝送祖記今季首場聯賽敗仗。
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24