令港人覺得醜
郭 鋒：「政府都幾恐怖，無端端走埋你度，打你幾拳瞓喺地下，搶埋你啲嘢，然後話『我好唔開心！』呢句嘢激嬲好多人，香港仲係咪法治地方？呢件事關乎民生，國際上都知道，令香港人覺得好醜。
以前我會同朋友講，香港政府點好，𠵱家我啞晒。同事唔係廢物係精英！你踢我出校，都要話我知犯乜嘢事，好多人覺得唔公義。無論我喺邊個台做，都要出嚟，因為我係香港人。」
難忘感動場面
廖啟智：「我對政府唔發牌畀港視感到極度失望，總之係黑箱作業，唔理黑箱、白箱、黃箱、紅箱，𠵱家公唔公開原因都冇乜用，冇咗信任基礎。我係簡單嘅人冇訴求，只想同大眾分享拍《警界線》嘅過程同工作點滴，畀大家市民了解我哋嘅工作性質。（12萬人上街力撐？）香港成日都有感動場面。（有冇同王維基聯絡？）相信佢呢兩日都好忙，佢應該會睇電視，會有人話反應畀佢知。」
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24