近日喺日本拍攝電影《豪情3D》嘅杜汶澤，日日拍戲都對住班AV女優，唔少人都好羨慕佢，繼日前先後同兩位日本女優42L沖田杏梨同35D辰巳唯拍攝床戰後，前日佢又喺Instagram同facebook上載咗佢嘅工作照，只見戴住個冬菇頭假髮嘅阿澤，戴咗副黑框眼鏡扮補習老師，身邊坐住扮學生妹嘅22歲34D石原愛。
體罰學生妹
阿澤話：「劇情講我係補習老師，同個日本女仔補習，跟住就玩體罰，體罰完個女仔阿媽返屋企就對付我。」不過佢就大賣關子唔肯講點被個女仔阿媽對付，仲乘機叫觀眾到時買飛入場睇。唔知阿澤係唔係成日有機會親近女優，所以令唔少網民眼紅，佢就大呻上載工作相後竟然被網友攻擊，鬧佢教壞細路，搞到阿澤即時反擊話唔稀罕唔鍾意睇嘅人，又話阿媽都管佢唔到：「因為我不會為你們這些白癡而放棄喜歡我的有緣人！」
阿澤又話有苦自己知，而且班女優一拍完就即刻行開，所以大家唔係好熟絡，佢話：「佢哋經理人好嚴，唔畀佢哋私下交換電話同接觸，又會check email，不過佢哋真係好專業，但因為未試過拍3D，所以之前沖田杏梨睇番playback見到自己個胸飛出嚟都好興奮。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！