「寸嘴Barbie」夏尉喻日前跟新歡「酒窩男」到蘭桂坊蹺手夜蒲，戀情曝光。有讀者報料指「酒窩男」叫Jerry，並提供一些照片。家住觀塘區的他，雖然只是一名打工仔，但身高6呎的他高大靚仔，是名副其實的媾女王，經常透過手機交友app撩女仔，還貼上露骨相施誘惑，讀者聲稱朋友曾跟他一齊，但對方很快玩失蹤飛起友人。
「佢係幾有趣嘅人」
本報昨日致電Barbie，但她即否認跟Jerry拍拖：「佢唔係我男友，只係朋友，識咗一段時間，大家去街玩，佢冇表明追我，冇收到花。我哋有保持聯絡，佢係一個幾有趣嘅人。」問到會否介意男仔花弗？她說：「我唔介意，一個有魅力嘅人，通常俾人誤解，可能報料人係佢ex（舊愛）中傷佢，我冇理由為咗唔識嘅報料人，抹煞咗我識嘅人。」
對於Jerry在交友app放露骨相誘女，Barbie說：「唔敢肯定呢件事嘅真確性，如果係真，我保留對朋友觀念，始終佢唔係呢個圈嘅人，我唔會公開發表，除非佢對我做同樣不當行為，否則唔會疏遠佢。」問到有否被Jerry撩上床？Barbie說：「冇呀，所以未確定追我！」另外，記者致電Jerry，但他謂自己身在公司，不方便接受訪問。
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！