【本報訊】在政總集會上，走上講台發表心聲的，大多數是港視員工。亦有城中名人上台演說，反對政府黑箱作業。其中民主黨創黨主席李柱銘指出，香港不單不能保持50年不變，本港電視節目越變越壞，港人的核心價值也逐步消失。
鄭經翰：有競爭先有進步
李柱銘批評，自從梁振英出任特首後，香港變壞變得特別快。「我想睇啲好睇嘅電視節目，又有人肯出錢，（政府）都唔畀。點解呢？政府又冇畀一個理由」。他認為政府以司法覆核做擋箭牌，拒絕交代不發牌給港視的理由，是荒謬的藉口；因為司法覆核的原因，正是港府拒絕交代不發牌理據。
去年差不多這個時候連續多天在政總抗議的D100創辦人鄭經翰指出，無綫獨大令其新聞報道水平受影響：「除非有競爭，有競爭先有進步，有進步先有真理。」去年10月，鄭經翰因DBC停播而發起在政總集會。「香港電視嘅人員只係想做好電視，坐喺度支持佢哋嘅香港市民只係想睇好電視。但係，三個字：商業理由，呢三個字已經成為政治打壓呢四個字，係冇公義嘅特區政府用來進行政治打壓嘅理由」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange