【增長仍大】
煤氣(003)自94年開始進軍中國，來自內地業務的收益一直維持高速增長，但今年中期業績，其增長已較以往大幅放慢。對內地燃氣市場已屆飽和點，身兼港華燃氣(1083)行政總裁的黃維義並不認同，認為在內地使用天然氣逐漸普及，配合城市不斷發展，燃氣業務仍有很大增長空間，相信煤氣內地項目回報率，可保持逾10%的水平。
黃維義說：「我哋目前有125個項目，覆蓋100個城市。但中國總共有600個城市，且天然氣嘅增長仍然好犀利，中國天然氣於整體能源佔比只有約5%，距離已發展地區嘅25%，仲有好大嘅發展空間」。近年越來越多民企加入管道燃氣市場，但黃維義不覺得要取得新項目，較以往困難。
料回報保持逾10%
黃維義稱:「今年我哋嘅目標，係要喺今年增加15個燃氣項目，幾乎都已經落實晒，比以前每年平均10個，其實是快咗，無慢到」。
項目回報方面，黃維義有信心可繼續保持逾10%的回報率。「我哋會揀去一啲新開發區嘅項目，主要以工業用氣為主。工業用氣量可以好驚人，好似香港一年嘅用氣量只有約8億立方米，喺內地，一間大企業一年嘅用氣量，閒閒哋可達到1億立方米，係好誇張」。
現時煤氣有參與水務業務，但項目不多，黃維義指未來會在水務拓展方面更積極：「但都唔會好快，今年只會加兩個項目，始終水務市場開放較慢，亦不是我們的主業」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange