原來世上除了周星馳，黎智英（肥佬黎）一樣可逼到谷德昭（肥谷）嘔四両血，不，是滿頭大汗至真。今集《亂噏24》請來喜劇孖寶肥谷和鄭中基擔任嘉賓，與蔡瀾、倪匡和肥佬黎五個大男人論盡女人……的壞話。節目由今日至本周五每日播出兩集，讀者可於《蘋果動新聞》網頁觀看，亦可在 http://bit.ly/appletalk24重溫，足本版則於周四晚上11時播出。
肥谷自細便看蔡瀾和倪匡的寫作，故每次見到兩位前輩都緊張不已。肥谷說起第一次見倪匡的趣事，當時他想見識對方的「多士爐屋」，便由羅省駕車到三藩市，原本八小時車程，卻花了十多小時才到達，累倪匡在街口等足兩小時。
講結婚口窒窒
肥谷憶述當時情景：「倪匡叔攞住棉胎包住自己好似ET咁樣，攞住支電筒喺條街度等我。」雖然長途跋涉，但他除拜會倪匡，也見識了他珍藏的AV影碟，總算不枉此行。
只見肥谷越說越大汗，眼鏡兩旁更冒出水蒸氣來。他說到一家人關係很好，每星期至少有四天在家吃飯。肥佬黎隨口問他是否一家人關係密切，所以不緊張結婚，此話令肥谷更加滿頭大汗，他邊抹汗邊說：「我覺得直情有原因！」肥黎佬打蛇隨棍上：「定係鍾意滾？所以唔想結婚呢？」肥谷口窒窒答：「err……鍾意喺屋企。err……流汗㖭！」認真爆笑。
撰文：馮國康
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇