【驚險場景】
今年2月獲委任為煤氣(003)執行董事暨公用業務營運總裁的黃維義，是在香港97年回歸那一年，由英資的國泰（293）轉投煤氣公司工作至今；他笑言，以前管理的固定資產是在「天上飛」，現時則是埋在地下「睇唔到」。
黃維義2000年開始參與開拓煤氣內地業務，其中一個較難忘的工作片段，是煤氣剛完成收購百江燃氣（1083、現改名為港華燃氣）後，他到內地視察，見過一個異常「驚險」的場景。「當地管理層帶我去個供氣單位度睇，竟然有條類似水喉嘅嘢，由3樓駁出去供氣畀2樓住嘅阿媽！你聽落覺得好匪夷所思，但內地其實好多地方都係咁」。
他又說，曾到一個單位視察，單位中爐具幾乎是「一撻着」便有零件掉下來：「我立即叫人即日執返好佢，如果行政總裁視察完翌日，個單位就發生爆炸，咁真係唔知點算好。」他表示，現時所有項目已被「整改」，港燃堅持所有項目均要符合安全要求。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24