【電視風雲】
【本報訊】「做人冇夢想同條鹹魚有乜分別？」這句電影對白落入現實中，特首梁振英就是要香港人做一條鹹魚。12萬人上街，老中青電視迷怒吼政府黑箱作業，閹割香港人的夢。有教師夫妻慨嘆，現今香港，機會再不給予有準備的人，「我仲點教下一代」；90後設計系學生不忿政府閹割創意夢，23年來首次上街，要向政府講句：「Fxxk the government」。
記者：王家文 袁樂婷
中學教師陳太總是教學生要有夢想，「機會係留畀有準備嘅人」，惟投資了9億元，劇集獲好評的香港電視，卻因政府不公不義扼殺了很多人的夢想，「乜都準備晒，你𠵱家話冇機會，我點教細路？我教個仔做人要有夢想，即係話畀佢聽，到最後你夢想係達唔成，係會幻滅，根本冇機會」。手抱9個月大女兒的她越說越不甘心。
陳太昨日一家四口上街促請政府交代王維基的「死因」，「咁以後任何問題只要交去行會決定，然後話唔得，咁我哋知情權喺邊？」丈夫也是中學教師，他說學生也質疑發牌不公，「準備好晒你都ban（否決），但你要話畀我知乜嘢事，考試都有規則，𠵱家我考完試肥佬，都唔知點解」。
80歲母親10年不看電視
走過今年7.1，來到10月，12萬人再次從銅鑼灣軒尼詩道出發遊行到政府總部。84歲首次上街的梁伯昨從屯門來到政總，「我嬲嘅係冇得睇電視，日日逼我雞汁送飯！」 他坦言向來支持建制派，但今次發牌事件令他終於認同陳偉業在立法會以「狗樣」去形容梁振英。
自從六四後再沒遊行的易女士昨日與丈夫上街，她坦言寧願用平板電腦上網，也不看無聊電視節目，站出來是要捍衞香港人的選擇權。有遊行人士也說，80多歲的母親10年前已不再看電視，「冇乜嘢睇，如果多幾個台就好」。另一名彩虹邨師奶亦說，以前日日留在家中追劇，但現時充斥垃圾電視劇，「搞到我唔鍾意留喺屋企，老公都投訴」。
年輕人不忿政府「玩嘢」
長者嬲爆，師奶唾棄，更埋葬了年輕人夢想。在大專念設計的歐同學昨日首次上街，「我哋做創作，畢咗業都可能去呢間公司（香港電視）做，香港創意工業不嬲都窄，𠵱家又少個選擇」。他不忿政府「玩嘢」，「係都唔畀你，咁點吖」。他只想向梁振英講句：「Fxxk the government.」
從事教育工作的馮小姐說，王維基與員工發起電視革命「係一件好有夢想嘅事」，對港視不獲發牌感到失望，「社會應該要保留一份夢想，畀機會想追夢嘅人。港視員工真係好想為咗呢個夢想，為自己想要嘅嘢繼續努力」。
年輕人夢想幻滅，一台繼續獨大，乏創意、缺理想。昨晚政府總部集會播放由網民「雞丁」剪輯而成的「May笑聲」，片長逾3分鐘全是「哈哈哈」，播放時全場一片笑聲，但笑中有哀夢想幻滅的淚。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange