【電視風雲】
【本報訊】香港電視胎死腹中，無損民間繼續發揚「創意工業」。昨遊行鮮見政黨色彩，反之由市民自製的創意道具和口號遍地開花，有人扮亞視話事人王征，諷刺政府以行會保密機制作擋箭牌，比王征在政總跳騎呢舞更荒謬；亦有港爸全家上街，自製橫額批梁班子遺臭萬年，更將「臭」字的「犬」字改成「振英」，寓意不說自明。
記者：潘柏林 林社炳
亞洲電視主要投資者王征自信爆棚，曾經帶領員工在政總又唱又跳反對發牌。一名拒透露身份的80後網民昨日遊行時戴上王征面具，又穿上與王征同款西裝，維肖維妙，於遊行隊伍中甚為搶眼，「鑑於上年王征先生公然喺政總用直播時段、珍貴嘅大氣電波跳騎呢舞，所以我今日要用一模一樣嘅扮相，諷剌政府唔發牌又唔講清楚，係有幾離譜」。
他這身打扮有名堂，取「王征」諧音叫「狼心黃精」。為怕有人有眼不識泰山，他「畫公仔畫出腸」，將這四個大字貼在胸前的心形貼紙上，又手持仿製亞視員工示威常用的紅底白字「否決」牌，代表否決亞視續牌申請，反面的「立即」則代表立即發牌予香港電視。他的衣袋中另有一張由中國和諧銀行開出的2,000萬元支票，諷刺王征再次借出2,000萬元給亞視，實際是「阿爺」的維穩費。「如果唔係政府嘅決定真係咁漠視民意，我哋都唔會出來」。
黑色鞋盒寓意黑箱作業
王先生一家四口出動，加上其兄弟姊妹一行10多人拉起自製橫額，以紅色大字寫上「集體補襪，遺臭萬年」，其中「臭」字下半部「犬」改成「振英」，「呢個係繁體字，如果簡體字更簡單，就咁『振英』就得喇，唔使解釋咁多，大家一睇就明」。橫額上又貼上行會30名成員名單，「冇理由30個人代表700萬市民做選擇，我覺得唔公平」，政府以行會保密為由黑箱作業更令他怒火中燒，「今次特別嬲、特別黑暗。如果連電視都冇得揀，莫講話選特首，我覺得係一個訊號」。
大橫額夠震撼，小道具也不馬虎。梁太和女兒以黑色鞋盒寓意政府黑箱作業，又將家裏兩個電視遙控器帶上街頭，「我哋要有得轉台」。梁太指，特首梁振英參選時多次強調支持創意工業，發牌決定卻扼殺了一群熱心電視工作者的夢想，「點解一個準備得咁多、咁好嘅電視台都發唔到牌畀佢？畀市民睇到係講一套做一套，叫我哋點樣教育下一代？」她也說，今次事件關乎社會公義，「如果政府都係咁，香港社會真係會好大問題」。
另一市民陳先生則舉起「拒絕『一籃屎』理由」標語牌，批評政府及特首「一男子」操控的發牌程序黑暗，「從來冇同公眾交代過，真係接受唔到囉」。沿途市民自發高呼口號，「還我電視汁，唔再要雞汁」、「BBQ結局，香港一鑊熟」及「行會話保密，我哋要事實」等，均是全港市民心聲。
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24