王維基三揀二被擯出局，做小三的底蘊，冇人知，本報評論版索性形容為「維基慘案」，稱之為死不瞑目的冤案，這樣，就有古講。
維基之死，十居其九，是梁特的悉心部署。
部署，箇中內情，大家不妨估吓，當日約基哥飲茶的高官，有冇邀請他同坐一張三座位沙發？如果有，噢，三年零八個月後，請你put behind，甘心做小三，放長雙眼等step forward做大婆吧。
你做阿三，菲律賓那個又係阿三，證明梁特與阿三有絕世宿緣。兩個阿三，都叫阿基，梁特「搞基」，賓賓那位，搞返轉頭，梁特一褲都係。這邊的阿基，搞電視，唔，梁特低吟一聲，今次輪到我主場，點都唔可以再俾同樣叫做阿基的搞砸我盤數。維基，哎，不是維他和維記嘛，只能被揀剩，淪為蔗！梁特咬住半根賓島皇帝蕉，讀着維基大裁員的新聞，嘴角扯了一下，自言自語說了句too late，對着電視台的雞汁，哈哈哈笑了。