許志安噚日喺屯門搞新碟簽唱會，有歌迷玩遊戲時喺T恤畫上教堂，希望佢早日結婚，安仔話將來佢行禮間教堂仲靚。佢話：「呢啲唔急，大家有共識。呢啲係要兩個人感覺，唔係民意行先。」佢仲扯開話題講佢首新歌《情人甲》，話係今年內最滿意嘅歌，相信會有好成績。另外，梅艷芳嘅部份遺物被當垃圾丟棄，佢話：「希望呢啲事早日過去，唔好再糾纏，件事越搞越大，相信梅姐唔會開心。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！