【澳門直擊】台灣歌手楊丞琳前晚在澳門開騷，出場時被威吔吊住出場唱《仰望》，唱到一半時，轉為倒吊繼續唱，認真考功夫！她更自爆忍不住落淚，更反問歌迷：「大家有冇發現？唱歌前有拜神，祈求神靈保佑安全，仲有同一個人講嘢（指7月過世的亡父）。上次上海站唱呢隻歌係咪嘴，因為我綵排時就喊，今次以為冇事，但點知都冇辦法唱，唔好意思，我唱得好辛苦，你哋都聽得好辛苦！」她透露因為開騷前在台灣整理爸爸的遺物，所以心情十分複雜。
經常彈錯 自嘲恐怖
楊丞琳又向歌迷派定心丸，否認生小孩後退出，她說：「我冇可能離開舞台，做藝人之外，我都諗唔到做乜嘢，我好愛舞台，就算生孩子亦唔會咁樣消失，帶埋佢哋上螢光幕，不過係好耐之後嘅事。」在現場與歌迷互動時，被歌迷問她是否有拍拖？她即表示日日都與歌迷拍拖。穿上谷胸裝自彈自唱《曖昧》時，因經常彈錯，她自嘲非常恐怖。
另外，對於唱片公司發現日本歌姬濱崎步疑參考她的歌衫，她說：「見到都好意外，我有睇過相，仲以為我哋有借件衫出去，唔知狀況係咁樣，對設計師係好事。」
採訪、攝影：藍文浩
足本收睇《亂噏24》x陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24