袁彌明昨日喺元朗為其護膚品店第4間分店開幕剪綵。身兼人民力量主席，袁彌明透露聽日會出席遊行撐香港電視；對於王維基表明聽日唔會出席，袁彌明表示認同：「佢嚟到會變成領導，如果等2015年真正免費牌，可能會影響到。佢俾無綫有威脅，無綫又係香港堅實維穩力量，咁會觸動特區政府神經。」
對於羅鈞滿評論被網民恨批，仲俾人喺維基惡搞「整死咗」，袁彌明話：「佢依家博到出位喇！佢留喺無綫唔會死嘅，唔好以為唱反調就可鶴立雞群至得㗎。」
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24