上周五場德甲出現靈異入球，踢到70分鐘，利華古遜領先緊賀芬咸1:0，呢個時間利華得到角球，前鋒傑斯寧頭槌攻門，柱邊出界，但靈異一幕出現！個波最後竟然喺網入面，球證亦判入球有效；雖然賀芬咸完場前追番球，但利華靠呢個靈異入波，作客險勝2:1。其實唔係鬼神作怪，只係賀芬咸個龍門側邊穿咗窿，傑斯寧嘅頭槌咁啱頂咗入去，個波最後咪入咗囉。球證一時走甩眼，見到波喺網入面就判咗入波。賀芬咸方面就梗係投訴，希望可以重賽。傑斯寧喺上周六道歉，「我要向所有體育迷說對不起！這樣贏波，我絕不高興。對於我同球會嚟講，公平先係最緊要。」
就今次靈異古怪事件，我哋問過唔願意開名嘅香港裁判導師，對方話檢查龍門網係旁證責任，唔關主球證事喎。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24