愛港之聲昨舉辦第二場普選論壇，約100名支持者出席，大部份是較年長人士。獲邀出席的幫港出聲發起人周融指「普選特首從未如此接近過」，認為中央政府為向國際社會顯示言而有信的「大國風範」，定會兌現承諾推動2017普選，反而泛民「傾都唔傾就話要佔中，博乜嘢先？」他質疑泛民只是擔心普選一旦再次延遲會流失選票，「想做啲嘢將責任推畀中央」
愛港之聲︰會定普選方案
雖然「佔領中環」發起人戴耀廷早已表明，只要有真正的普選，佔中便不會發生，但周融仍以陰謀論看待佔中動機，「普選本來只需要再跨出一步，佔中可能令全香港仆落去，（泛民）到底係想做定唔想做？」
周融續指，泛民「識玩傳媒遊戲」，知道只要有人提出建議，無論是否好建議或是否符合《基本法》，傳媒便有責任報道，故不時提出新言論，「所以咪壟斷咗版面，建制派就係唔識玩呢個遊戲」。他預告幫港出聲將於下月提出建議，「我相信係需要百花齊放，真理係越辯越明」。他也相信將來有普選時必定會公平公正，港人有足夠智慧決定投票給哪位候選人。
愛港之聲主席高達斌透露，明年初再舉辦兩場論壇後會定出普選方案，趕及於政改諮詢期間發聲。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange