港視失落免費電視牌照當日，黃日華即刻在於微博勉勵眾人：「各位HKTV 同事們，革命未成功，你我有著同樣的心情！但請不要氣餒，繼續努力裝備好自己！我堅信沒有永遠的黑暗、否極終會泰來，祝願大家有美好的明天！PS:請記住，我們曾是最強的團隊！互勉！Love U All !」連日來，黃日華亦有更新微博、轉載同事們夢想被毀的心聲。
畢竟同行如敵國，所以除咗黃智賢同江美儀，暗地裡在黃日華嘅微博留言打氣，對於呢件事發聲嘅TVB藝人真係寥寥可數，只見同無綫反目嘅鄧萃雯連日在微博撐王維基，以及半離開無綫嘅陳法拉發聲。
噚日法拉出騷時，表明支持今次遊行，但因為要開工，未能參與，但仍會著黑衫打氣：「其實更加想支持一班舊同事，以前合作過，都支持佢哋，好擔心佢哋嘅去向。」
此外，早前志偉批評王維基馬上決定裁走320名員工係決定事草率，噚日人力主席袁彌明出席自己新店開幕時，就話絕唔認同，仲讚王維基裁員好有氣派，補月薪仲自己拎錢出嚟派利是，好有人情味。
反而志偉一番言論，佢覺得係阻礙電視業發展：「我唔明佢咁多維穩言論，佢提攜後輩，但啲後輩冇機會喺其他台亮相，佢係演藝人協會嘅人，應為演員爭取支持開放平台。」
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24