「近50萬個Like（讚好）反映市民有好大怨恨。連一個咁民生嘅嘢，都要同市民作對。一個政府已經虧怯到，一個可能批判、可能唔係幾聽話嘅壞孩子都包容唔到，大家已經睇到香港嘅將來，我幫你揀，就係你唯一選擇！」曾經對香港電視劇癡心一片的大律師陳淑莊說。
「撈電視汁」長大的陳淑莊喜歡趴在地下蹺起雙腿對着電視做功課，那是她成長的70年代，「睇電視係好大件事」。她是無綫迷，外公捧亞視，「覺得老土，後來有啲破格就追睇《大地恩情》、《鱷魚淚》」。最愛始終是汪明荃的《京華春夢》，因要溫書，沒有追看大結局，「係一生嘅遺憾」。
「發牌就像普選」
90年代她沒有再追看港劇，「套套差唔多，來來去去都係呢啲明星，我費事睇，費事激氣，好反智」。陳淑莊也是業餘舞台劇演員，看見港視員工的堅持，「似以前真正嘅香港精神，我有創意、有心、有passion（熱情），我亦相信自己嘅能力，加埋老闆同環境，希望創造一個新局面，但𠵱家連呢個機會都剝削」。
三間機構申請免費牌照，兩間獲批，踢走北京眼中的壞孩子，就像普選，「你擺三個人出嚟，好似有選擇，最後都係要個聽話」。她朋友原先不支持佔領中環，天真寄望有真普選，結果連一個電視台都冇權轉台，決定站出來，「成個（發牌）過程黑箱作業，一個交代都冇，當香港人係儍定死」。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24