坊間有傳無綫電視的劇集橋段沉悶，是因為擔心「師奶睇唔明」而影響收視，電視劇迷鄭女士則要為師奶平反。她稱，無綫劇集「冇乜變化」，但「焗住要睇」，因為現時只有兩個免費電視台播放節目，希望政府發牌給香港電視。
替王維基不值
家住青衣的電視劇迷鄭女士，自從無綫電視啟播後便收看，睇足46年。「睇咗幾十年，冇乜新搞作」。鄭女士鍾情警匪劇集，網上熱播香港電視的《警界線》，她「唔識上網冇得睇」，只能看無綫劇集，但是認為「冇乜劇情，好快估到結局」，習慣在家開電視只能「焗住睇」，認為除了無綫電視外，根本沒有其他選擇，因為亞視「重複又重複，朝又播晚又播，悶到嘔」。
對於無綫失望；對亞視更不抱期望，鄭女士指「亞視應該唔好播」，因其「冇製作，又炒晒啲人，乜都冇，唔好霸住個牌」。她稱，政府應發免費電視牌照給有熱誠的香港電視，「多一個選擇、多一個競爭好啲」，現時政府不發牌，鄭女士替王維基不值，「人哋一早買咗咁多器材，你話唔發就唔發，人哋企咗喺度」。
鄭女士指出，若政府主動邀請王維基申請發牌屬實，行會「應該要交代，唔可以收埋」；對於特首梁振英日前在答問大會上，以行會保密原則拒公開香港電視死因，鄭女士指「話係秘密，都係用嚟推卸」，斥政府「如果唔想做，可以好多藉口」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange