鬥大隻比賽出身嘅男藝人「潮流」，喺公仔箱人工唔高，而且因為佢人氣唔夠，所以一直以嚟好少外面工作搵佢做。
不過潮流近年又做生意又買靚車，畀人覺得佢好本事，以為佢搞生意全部都係自己錢，但關仁聽聞潮流開舖頭啲錢全部都係由佢個有錢老婆科水，就算之前佢哋結婚，大部份嘅開支都係佢老婆嗰邊搞掂。聽聞佢咁後生就結婚，無非因為老婆有錢，好似最近潮流又出咗部新靚車，都係佢老婆買畀佢嘅新玩具，真真正正係佢背後嘅女人呀。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！