煎Pang和蕭公子在小學的相知但不相識，不相識是因為同級不同班，相知就是因為一個靚Miss及煎Pang被罰！
以下是他們的對話：
煎Pang：同級都識，喺學校一齊排隊，男仔玩自然識。我就屬於動，細個鍾意運動，打乒乓波。
蕭公子：我就動靜皆宜喇！我細個鍾意跑，跳高呀！好偏門我都可以攞到獎，冇乜人玩我咪玩嗰啲！仲有吹口風琴，歌詠組。
煎Pang：我都有擲鉛球，跳土風舞。
蕭公子：你都有跳土風舞，應該係一齊跳，係咪陳主任呀？
煎Pang：係呀！好靚嗰個，戴眼鏡，靚女mix嗰個，英文好叻，因為佢靚女我先去學。
蕭公子：教英文嗰個嘛！鬧到我飛起。
煎Pang：因為我曳，Miss Chan捉咗我去跳土風舞，我細個係唔鍾意受人注目。
蕭公子踢爆：但係你嗰時好矚目喎！
煎Pang笑說：咁我嗰時曳啫！
蕭公子：嗰時早課上聖詩，全部同學準時返學，佢都會俾人嗌名叫企出出面，全校人就望住，罰咗喺度，左手按嘴右手拉耳。
煎Pang：所以，嗰時我唔係好鍾意自己個名，因為罰抄自己個名，好多筆劃，我陳展鵬……好多嘢我都唔記得咗，總之我唔鍾意喇！不過係幾開心！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！