勇士同湖人繼喺北京交手之後，周五再一次喺中國進行比賽，地點就移師去上海。勇士喺北京站後上反勝湖人，到上海站贏得更輕鬆，全場入15個3分波下以115:89大勝。
湖人球星拜恩睇嚟真係就快可以傷癒復出，佢喺呢場波更着住練波衫到場，喺賽前射咗一輪波，又射罰球又射3分，其中射3分仲2射10，搞到現場球迷非常興奮大嗌「MVP」。之但係拜恩都仲未打算喺呢場波復出，射完之後就返入更衣室，之後換番套老西喺場邊睇波。
湖人尾段謝晒皮
上半場互有領先下，湖人喺完半場以54:52微微領先；不過勇士最壞嘅消息係中鋒保格又受傷，拉傷背脊退下火線。到咗下半場勇士開始發威，雖然主將史堤芬居里手感麻麻，但仲有K湯遜同巴斯摩亞等係咁入3分，到第3節完已經大幅領先湖人84:70。到咗最後一節湖人已經冇晒鬥志，結果勇士以115:89大炒對手，K湯遜攻入全場最高25分。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24