阿田與阿澤因為經歷和宗教，令生活及待人處事有巨大改變，阿田認為現時的滿足，不是有多少部座駕、多少隻手錶：「我同杜先生已經分唔開，大家一直都互相影響緊，佢嘅巨輪行緊嘅同時，亦都帶動住我去行，當然有好同壞影響。有啲人好直接同你講，其實可能係寶，係我貴人，唔係佢哋，都唔知自己有乜嘢問題；試過心情差到幾日都冇乜點郁，有少少抑鬱，但𠵱家諗番，其實咁樣就過咗，冇乜大不了。」
情迷工人褲
談到在《巨輪》最難忘的事，阿田表示是角色那條工人褲，她笑說：「我細個好鍾意張學友嘅《真情流露》唱片封套，好記得佢條工人褲泡泡哋、綁住件格仔衫、白色T恤，我終於有機會一嘗《真情流露》呢個造型，有次影相，我仲特登擺番《真情流露》嘅甫士。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！