最後一套港視劇《Night Shift》昨晚在佐敦復工拍攝，有份演的林嘉華直言對不發牌有個問號，他說：「我哋一直努力做，只不過係想香港嘅電視業繼續發光發亮，我冇打過畀王生（王維基），總之同佢有好多嘢都在心中，本來11月會有個計劃，不過𠵱家要取消。」林嘉華表示會出席明日的遊行。
黎彼得前晚在深水埗拍《Night Shift》，他形容不獲發牌消息與張國榮當年死訊一樣震撼，他有點勞氣說：「咁搞法邊度有財團夠膽搞電視？」他直言裁員好正常：「要畀條生路人哋行，唔通個個坐晒喺度，好似送殯咩？我向來對政府唔睇好，遲啲23條都會通過，冇晒公義！」林文龍昨亦回港視與同事看他有份演的《Night Shift》試片。
黃美棋在微博透露部份港視員工昨日last day，她自製黑色美棋BB以示傷感。另一港視藝人曾偉權轉發港視同事心聲，無厘頭被網民揶揄：「你真的是活該！」同樣轉發的鄧萃雯指員工得到用錢買不到的尊嚴和傲骨，周日要工作，但仍會穿黑衫支持。
採訪：王崇穎
攝影：仇志德、陳順禎
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24