王維基曾經為我哋帶嚟過希望，以為香港人終於有電視選擇權，唔使再睇來睇去都係TVB同ATV。可惜，最後香港電視開唔成台！唔通我哋要繼續忍受ATV嘅冇創意，同TVB嘅五宗罪？！
TVB罪狀一：是是旦旦
由軟件到硬件，TVB差唔多套套劇都畀網民捉到錯處，究竟幾時先肯唔再是是旦旦？
TVB罪狀二：劇情犯駁
有時唔合邏輯都唔在講，劇情仲要千篇一律，咁不如播返以前啲劇，可能觀眾睇得仲開心！
TVB罪狀三：當員工唔係人？！
唔少藝人都爆過TVB嘅刻薄嘢，無論待遇同福利都難以令人接受，作為「香港第一大電視台」，其實係唔係可以做得好啲呢？
TVB罪狀四：電視霸權
TVB合約歌手同其他台做訪問唔講得廣東話；TVB親生仔女唔可以亮相其他電視台。呢兩個一直都係圈中嘅「潛規則」，雖然TVB早前發聲明話冇咁嘅事，
但已經離巢嘅法拉，同阿G.E.M.分別接受有線同nowTV訪問時，都被要求除咪牌喎！
TVB罪狀五：小器
咁多年嚟，已經有唔少歌手藝人因為「做錯事」而畀TVB雪藏過。加上前排王維基挖角，亦有傳TVB已經將唔少藝人幕後列入黑名單。
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24