內地出名多人造人，好似靠騎呢同性感出位嘅「雙雙」早幾年都走咗去搞搞個樣，仲搞到不倫不類，近年佢升呢做咗啲乜鬼代表，之前仲拍咗部超級主旋律電影，雙雙仲一腳踢導、演、監製同劇本創作都做埋。呢啲戲擺明畀領導睇，正常觀眾都唔會入場，不過佢冇自知之明，仲以為自己好掂，又難得俾佢搵到人幫佢喺香港上映。既然係咁，雙雙係咪應該感恩圖報，點知佢好似益咗人咁，要求多多要人當佢套片係一級大片咁做法，約訪問唔只要求多多，仲夠膽死次次都有遲冇早，搞到啲工作人員要通緝搵佢咁滯。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！