一代歌后梅艷芳今年逝世10周年，位於黃竹坑壽山村道的恒安閣故居以1.47億賣出，屋內逾千件阿梅遺物日前拍賣，67個獎座由歌迷會全數投得，其他則四散由其他人成功競投，阿梅生前密友兼歌迷會會長蘇小姐，昨親到阿梅故居領取自己投得的遺物。
歌迷運走大床
被曾志偉爆出低調競投不少阿梅遺物的張敬軒，前晚與黎瑞恩、鄭欣宜、王君馨及何傲兒在將軍澳電視廣播城，錄影後日播出的《梅艷芳．十年回憶音樂會》，分別翻唱阿梅歌曲。與新人許靖韻合唱《芳華絕代》的軒仔說：「冇諗住帶（阿梅遺物）上嚟，只想出一分力，唔係想擁有。我託志偉睇華仔（劉德華）想唔想要番《心經》，有回覆但唔方便講。有需要我可以冇條件捐出嚟，希望受益人可以善用物品好好生活落去。」有份演出的王君馨及何傲兒唱一連串快歌，但表現一般，而欣宜則否認和張玉珊不和說：「16歲開始減肥，𠵱家想輕鬆啲，之後會再合作。」
昨午近3時，蘇小姐坐七人車到恒安閣提取物品，所有前往提取遺物的人士皆要先核對資料才可以進入故居。坐在車內的蘇小姐表示：「嚟攞啲飾物同燈，獎座就唔會攞，會有人攞，唔清楚。」梅媽覃美金近日受訪指阿梅當年過身後不少私人物品被運走，蘇小姐表示不清楚。至於拍賣獎座中沒有新秀獎項，蘇小姐稱：「我都唔清楚阿梅生前放喺邊。」她昨亦替內地歌迷運走其所投得的阿梅大床。
蘇小姐在故居逗留約兩小時後離去，同時一架大貨車亦駛走，相信是搬運大床。其後亦有投得遺物的fans到場，其中有位花了56,000元投得四項遺物的王小姐和新加坡的江小姐一同到來提取遺物，王小姐說：「當日都想投獎座，但知歌迷會投，所以冇投，遺物四散都可惜，反而我覺得Leslie（張國榮）啲遺物管理有系統，可能佢經理人肯做。」
採訪：馬建華、卓寶花
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！