呢期嘅城中紅人，梗係要數王維基啦，有成40萬人撐政府發牌畀佢搞免費電視台，689點同佢比？但就喺全城like爆佢之際，噚日高登竟然有單驚人消息傳出：「王維基自殺搶救」。嘩，一出呢個po，有網友即刻心慌慌，大嘆冇免費電視牌箒，唔係窮途末路啩，魔童唔似咁睇唔開喎？
好在高登巴打唔係儍嘅，唔少人即刻留言話，消息梗係流料啦，有巴打仲話呀，「如果係真，政府就害死一個好人」，單睇呢句留言，就知魔童深得民心。八方發現，呢個po好快已經被刪除咯，事關喺網上發放虛假消息係刑事罪嚟㗎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange