前幾日與美女A生日餐聚，半路已覺得不妥，何解晚晚夜蒲的A小姐，炯炯有神地望住本小姐，認真Photo Hunt一下，發現跟了她至少10年的黑眼圈竟然消失掉！A小姐毫無掩飾，好爽快地解釋係因為打了透明質酸，仲問靚唔靚𠻹。
Samantha即時啞了，點解喺大家眼中打透明質酸，好似落街打退燒針咁輕鬆嘅？
噚日港股好唔畀面地喺債限危機解除下，倒跌收場，但部份破頂股「騷quali」，尤其係喺最後半小時急插，企得穩方為大師父。全球最大HA（透明質酸）原材料供應商華熙生物科技（963）逆市升半成，它是唯一涉獵醫學美容材料的股份，除了用作注射美容、護膚品之外，眼科和關節有時都會用到。
華熙去年成功拓展下游，推出毛利率逾九成的注射用修飾HA凝膠「潤．百顏」、眼科用的醫用凝膠、骨關節腔注射針劑產品，股價年內升2.7倍！
公司早前話，隨着越來越多好似「潤．百顏」的產品獲得中國食品藥品監管總局批准，恐競爭加劇影響短期增長，但Samantha認為隨着醫學美容普及，個餅整大咗，只要唔好自亂陣腳將品牌做得好，20蚊不是夢！
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange