中環文華東方酒店係香港地標之一，屹立中環50年，噚晚請一眾熟客仔參與「傳奇五十年」慶祝酒會，文華東方熟客非富則貴，星光熠熠，除咗訪華嘅英國財政大臣歐斯本（George Osborne）、倫敦市長約翰遜（Boris Johnson）、米芝蓮三星大廚 Pierre Gagnaire等外賓賞面出席外，仲有鄧永鏘伉儷、何超瓊、趙世曾、胡應湘等本地政商界名人撐場。慶祝酒會喺中環遮打花園舉行，文華東方喺酒店外牆投放酒店過去半世紀嘅點滴片段，係全港歷來最巨型嘅戶外立體投影，除咗在場逾800名嘉賓外，酒店噚晚仲分三場播放畀市民觀賞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange