「Son姐你好，我係一個中六學生，我平時都會睇你的專欄。我將於明年考DSE，本身成績都幾好，只不過係中文比較差，未必有3級可以讀到本地大學。我自己本身都鍾意讀書，所以想問下香港大學一個獲香港學術及職業資歷評審局認可為『已經評審之專上學院課程』，並評為資歷架構第五級，等同本地大學學位資歷三年制課程，『資歷與英國本校畢業生無異』自資學位的認受性。我想日後做銀行、政府工呢類工作。我想問下Son姐點睇呢個學位喺中型同大型公司的認受性？我本身冇能力去外國讀書，如果讀完副學士冇機會讀本地大學，我諗住選擇呢個課程。同埋Son姐推唔推介呢個課程？」
還未考試 怎能只搵後路
你年紀應該比我大女兒小一歲，你叫我一聲Son媽我受得起，就把你當仔來教，愛之深責之切，絕不留手，你經已浪費了太多青春寶貴時間，還不趕快醒覺，你這一生肯定只能渾噩而過。你長篇大論寫的全部都是自欺欺人的自問自答，只有後路，沒有前路，你究竟還要自欺到幾時？中文可以有幾難讀？你又話鍾意讀書？明知中文必須3級才及格，不是應該出盡力惡補搏殺的嗎？怎會未考先搵定後路，打定輸數連副學士都恐怕冇機會讀？要讀書關家庭有冇能力甚麼事？一切只關你事！你不是不知有獎學金這回事？
多少山區學生抵冷捱餓、攀山越嶺，天未光出門，晚上摸黑回家，依然孜孜不倦上學去？你身在福中不知福、終日無所事事，還好意思無病呻吟？想做銀行政府工大把職位空缺，中六畢業就做得，大前提是要肯下苦功發奮圖強，最有認受性的是你做出來的成績。年輕人，少壯不努力，老大徒傷悲！
張慧敏
http://www.facebook.com/HKcareerdoctor
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24