【本報訊】隨着本港勞動人口萎縮，工業總會主席劉展灝希望政府正視輸入勞工問題，積極研究。他強調並非開放外勞與香港人競爭，「但畀高人工都冇人做，就要面對問題」。他指現時有些工種，本地人尤其年輕人已不願做，如洗碗、建造等，「假如請做洗碗工都成60蚊個鐘，咁一籠叉燒包都要賣成80蚊！基層市民一定受到影響」，「建築地盤工人加到1,800蚊，建築成本起到5,000至7,000蚊一呎，樓價好難低，受害嘅都係香港人，年輕人更加難買樓！」
稱現屆政府「做到嘢」
對於立法會再有議員向特首提出不信任動議，被問及是否特首撕裂社會，還是泛民在吹毛求疵，劉回應若社會對爭取普選心結未能解開，這類不信任動議仍會繼續發生。現屆政府「做嘢已相當積極，對業界諮詢好過以前」，礙於形勢政策難推行，「好似起焚化爐都做唔到，咁邊個嘅錯呢？係社會嘅錯！」
另外，廣東省擬設立「員工集體談判權」條例，近日就此向廠家展開諮詢；劉憂慮不可再就管理員工作單方面決定，企業在制訂員工工作時間、休假、工資、安全衞生、保險、福利、勞動合同等都要與員工洽商。早前廣東要求企業將工資總支出的2%撥作廣東工會經費，他表示經爭取後，現修訂為按最低工資的2%來繳付工會費。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange