徐子珊日前在紅磡宣傳新戲《詭嬰》，她在戲中扮演樂壇天后，與林峯在音樂上有共同理念，因而傾慕他，但戲中林峯已有太太，子珊慘變小三，對此子珊笑說：「我欣賞一個人，只係想表達心意，絕對唔會橫刀奪愛。」
子珊與林峯有幕水中擁吻戲，她眼神充滿挑逗，她說：「呢樣都係表達喜歡之意箒！現實入面如果我知對方有老婆，我死都唔會咁做，如果個男人有另一半瞞住我，我盡量都唔會要啲咁賤格嘅男人。」
原來《詭》片是子珊入行以來第一部鬼片，她坦言怕鬼又怕睇鬼片：「因為好想同梁普智導演合作，平時唔會睇鬼戲，不過呢部戲會破例一定睇，或者睇首映，但諗唔到搵邊個陪睇。」
採訪、攝影：魯萍
場地：都會海逸酒店
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！