Kelly自婚後誕下劉昇（蝦餃仔）及劉琛（小龍包）後，時間分配以家庭為先，工作則慢慢調節，肥佬黎笑說：「咁你紅咗至可以家庭先箒！」Kelly亦答得爽快：「如果我掙扎，可能唔結婚㖭啦，唔生仔㗎啦！」二人一唱一和講湊仔經，蔡瀾終於開口：「冇細路仔嘅人係我，到𠵱家為止都冇後悔，因為我鍾意嘅嘢太多。如果再鍾意細路哥，我應付唔到。」人說老人家沒兒沒女會寂寞，但蔡瀾沒有這煩惱，皆因每年有成千上萬的微博朋友跟他說生日快樂。
Kelly嘆自從組織家庭後，與朋友相聚的機會也越來越少：「我得閒時佢哋未必得閒，佢哋又有家庭。」肥佬黎十分認同，並以自己為例：「譬如我咁嘅年紀，六十幾歲，有family嗰啲，啲仔女都大晒啦！好似我咁有個六歲嘅仔好少㗎，哈哈！」
唔認支配狂
自言「唔買嘢會死」的Kelly，是個天生購物狂，當然也會替老公買衫，但多數不合對方心水。蔡瀾認為女人愛支配男人，便透過買衫來控制對方，肥佬黎則認為那些女人欠安全感，Kelly即澄清：「我買嘢畀老公，都會諗佢啱呢件衫先會買，唔會特登要改變佢。」肥佬黎續道：「有啲女人要控制個男人，買啲嘢畀佢。要你着呢啲衫，要你做呢樣嘢，個仔要學鋼琴、學畫畫，樣樣安排晒畀你，係control freak（支配狂）。」他更指有些女人刻意谷肥另一半，降低其拈花惹草的機會，Kelly即笑說：「咁好戇居喎！」
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24