衛奕信勳爵文物信託一年使大約200至300萬元資助二十、三十個文物保育的計劃、活動，自然要不時諗計點樣開源啦。好似最近佢哋就搵國際著名珠寶設計師陳瑞麟（Dennis）推出「天喜獅」慈善籌款計劃，設計一款名為天喜獅嘅吊墜項鏈，限量生產18條，淨收益會全數撥捐信託，一條叫價逾60萬，不過噚日發佈會已經有信託理事會成員，即場買咗條造勢喇。
Dennis話，創作靈感好多時來自傳統文化、建築，好似佢本身都好鍾意閒來冇事逛吓廟宇攞靈感，今次隻天喜獅造型其實都係來自坪洲天后宮上嘅獨角獅。信託受託人委員會主席方文雄就話，佢哋未來會着力支持多啲非物質文化嘅保育工作。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange