荷李活大製作《變形金剛４》嚟香港取景，噚日首日開工，就發生咗疑收陀地事件。居然有人咁大膽向變形金剛收陀地？結果咪俾差人拉咗囉！
事先聲明，我哋唔係教人收陀地，只不過覺得收數兄弟喺整件事處理上，可以禮貌啲同低調啲，影衰香港嘛。
向變形金剛收陀地方法：
1.搵佢地自己人狂派；叫唔到，就再搵舞派！
2.叫齊五大金剛去（商台18樓C座播音員、無綫嗰個、大猩猩King Kong、鐵金剛同金剛鸚鵡），夠晒親切感！
3.學吓《喜劇之王》甜筒輝咁，去盡啲。踎底篤導演Michael Bay隻雀，導演分分鐘嫌你煩，俾廿蚊你去買甜筒！不過後果可能豬過甜筒輝。
4.同老外講數，唔係用廣東話啩？人哋想俾都唔識聽！
5.拎幾架變形金剛模型出嚟舞嚟舞去，人哋以為「你傻的嗎？」，拿拿臨塞錢俾你睇醫生！
6.Cosplay變形金剛出場，啲人見你咁有heart，當tips獎賞你。
其實收乜嘢陀地吖，求其同型男型女主角影張合照，Po上網仲珍貴啦！分分鐘亮相機會多過，有份做嘅李冰冰添！
足本收睇《亂噏24》x 陳慧琳；之後有請搞笑孖寶鄭中基谷德昭玩轉再玩轉！
周一至周五《亂噏24》約定你： http://bit.ly/appletalk24