汪圓圓、吳千語同前世界小姐張梓琳噚日現身跑馬地莎莎銀袋日宣傳活動，下月底結婚嘅圓圓喺台上幫男模打煲呔，但唔識打。佢笑言：「打到喺條頸度，女仔幫男仔打呔係件浪漫事，我已download apps學。」佢早前喺法國影婚紗相遺失行李，問有冇向未婚夫蔡加讚發脾氣？佢話：「唔係向佢發，係分享感覺，之後都搵番。」新婚嘅張梓琳透露有生B計劃：「睇緣份，享受二人世界。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！