【中環】莊思敏近排眼生瘡又感冒，前日先喺Instagram貼咗大堆藥，但佢未病前原來好為食，日前佢同助手喺中環老蘭血拼，買衫冇收穫，莊思敏就轉咗去買雪糕食，正當佢拎住雪糕想嘆吓時，咁啱俾自由行撞到，仲上前要求影相，莊思敏發揮好客精神，有求必應，就係咁變咗街頭紙板人，影吓一張又一張，結果佢手上杯雪糕都開始溶，非常尷尬。影完晒相，莊思敏即刻趕住舔雪糕。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！